長文慎入😂決定出下post 講下 Bioprogramming Hair Beauron 嘅product 是咁的，我用左4D都3年幾，我啲頭髮係天生捲同硬毛，出街一定要夾頭髮， 本身買個陣係ghd/refa/4D諗左好耐 refa價錢平好多，可惜用到最高溫度都搞唔掂我啲硬毛，夾唔到直。我諗係啱啲本身頭髮幾好同幼嘅人。 而夾到順直又keep到成日嘅係4D， ghd效果其實都幾好，但因為日本買唔方便嘅關係所以個陣最後就揀左買4D。 幾年前買個陣7D係最新個部，所以staff都係推我如果未用過嘅話，其實4D巳經好夠， 當時2/3D巳經太舊同棒身會變黃所以唔建議，有用過先上7D。 最近去幫客人購買個陣，4D就巳經係最舊個個，7D就係中間，27D就最新。 staff都係講番同一樣嘢，未用過嘅7D巳經好夠，有用開嘅轉27D先會明顯感受到個分別。 我試完之後覺得27D真係明顯再多左光澤感，同感覺好似係有少少濕潤感🤔 (唔係好識形容，sor for 1999) 而staff話27D會比其他再keep得耐啲， 如果講keep得耐嘅話，4D唔落雨我都叫keep得算好成日都順直，但落雨到傍晚係會少左光澤同多番啲毛燥，無朝早夾完咁靚。 雖然都係好睇番個人髮質，如果係本身唔錯又幼個種頭髮，我諗4D巳經好唔錯。 不過我自己覺得因為4D巳經出左好耐， 依家買嘅話應該就係7D開始買咁樣🤣 不過佢唔太好嘅地方係， -佢無普通個啲直髮夾如salonia個種較平嘅直髮夾，咁快就夾好哂成個頭，個種一夠熱一燙一下就拉直哂嘅效果係無架。 可能係因為無咁傷頭髮嘅關係，所以手勢要慢慢夾先夾得好。 -另外個棒一次過要攞多少少分量先夾到，太少頭髮個接觸面唔夠就無咁夾到。 -棒身外邊無隔熱，所以夾個陣要小心唔係會燙到手！ -仲有就係，價錢貴囉(;´༎ຶД༎ຶ`)如果唔係我都好想買埋個風筒！！ 個陣試7D嘅風筒，真心同其他普通風筒無得比（ me 用緊 Panasonic) 我印象記得個陣係有驚艷到點解就咁吹都可以變得咁軟熟！💸🥹可惜這些機會不屬於我 總結係，硬毛/毛燥/受傷髮質嘅人要揾一個唔傷得嚟又夾到順滑有光澤同時keep到效果嘅髮夾，我係幾推bio programming hair beauron!😎 除post附上用左3年幾嘅4D，無穿無爛，除左貼紙有啲飛起，個夾都無話甩色同唔順個啲，仲用得好好😂同埋3年我唔覺得頭髮有差左或變得乾旱，同後生個陣用個啲cheap cheap直髮夾差好遠，個啲用完兩日巳經知道髮質衰左🥲 另外，分別就係用4D後嘅圖，同27D後嘅圖。 我用自拍，唔係影得好好，希望唔好介意🤣4D有啲blur 左，真實會有多少少光澤。 補充: *全球電壓100到240V 香港無問題 但要額外加個轉插頭先用到 *包裝精美>個盒好大好重>運費至少3lbs 🤣